24
Sep 2018
Monday
phenix kerala

ആഗോളതാപനം 100 വർഷത്തെ ഏറ്റവും ഉയർന്ന നിരക്കിൽ

ആഗോളതാപനില നൂറു വർഷത്തെ ഏറ്റവും വലിയ നിരക്കിലെന്ന് റിപ്പോർട്ടുകൾ സൂചിപ്പിക്കുന്നു. ഇരുപതാം നൂറ്റാണ്ടിലെ ശരാശരി താപനിലയെക്കാൾ 1.28 ഡിഗ്രി കൂടുതലാണ് ഇപ്പോഴത്തെ താപനിലയെന്ന് നാസയുടെ പഠനങ്ങൾ വ്യക്തമാക്കുന്നു. ഈ വർഷം മാർച്ചിലായിരുന്നു ലോകം കണ്ടതിലേറ്റവും കൂടിയ ചൂട് രേഖപ്പെടുത്തിയത്. മാർച്ചിൽ മാത്രം 11 തവണയാണ് റെക്കോർഡ് തിരുത്തപ്പെട്ടത്.

ആഗോളതാപനിലയുടെ ഈ വ്യതിയാനത്തിന് കാരണം എൽനിനോ പ്രതിഭാസമാണ്. പരിസ്ഥിതി നശീകരണം കൂടിയായപ്പോൾ സ്ഥിതി പൂർവ്വാധികം വഷളായി. കാലാവസ്ഥാ വ്യതിയാനം മൂലം ഗ്രീൻലാൻഡിലെ മഞ്ഞുപാളികൾ സാധാരണയിൽ നിന്ന് വിഭിന്നമായി മൂന്നുമാസം മുമ്പേ ഉരുകിത്തുടങ്ങിയതായി റിപ്പോർട്ടുകൾ പുറത്തുവന്നിരുന്നു.

Top