ഈ മെസേജ് വാട്‌സാപ്പിൽ ലഭിച്ചോ? എങ്കിൽ സൂക്ഷിക്കുക !!

വാട്ട്‌സാപ്പിൽ പലതരത്തിലുള്ള വ്യാജ സന്ദേശങ്ങളും നമുക്ക് ലഭിക്കാറുണ്ട്. എന്നാൽ അവയിലൊന്നും ജനം വീഴുന്നില്ല എന്ന് കണ്ടപ്പോൾ പുതിയ തന്ത്രവുമായി എത്തിയിരിക്കുകയാണ് തട്ടിപ്പ് വീരന്മാർ.

‘നിങ്ങളുടെ വാട്‌സ്ാപ്പ് സബ്‌സ്‌ക്രിപ്ഷൻ അവസാനിച്ചു. ആജീവനാന്ത സബ്‌സ്‌ക്രിപ്ഷൻ ലഭിക്കാൻ ഈ ലിങ്കിൽ ക്ലിക്ക് ചെയ്യുക. ഇതിനായി കേവലം 0.99 പൗണ്ട് നൽകിയാൽ മതി’. ഇത്തരത്തിലുള്ള സന്ദേശം ഫോണിൽ പ്രത്യക്ഷപ്പെട്ടാൽ ഒരിക്കലും ആ ലിങ്കിൽ ക്ലിക്ക് ചെയ്യരുത്.

സന്ദേശത്തിനൊപ്പം നൽകിയിരിക്കുന്ന ലിങ്കിൽ ക്ലിക്ക് ചെയ്താൽ വ്യാജ വെബ്‌സൈറ്റിലേക്കായിരിക്കും എത്തുക. ഈ വെബ്‌സൈറ്റിൽ പണം നൽകുന്നതിനുള്ള നിർദ്ദേശങ്ങൾ ലഭിക്കും. ഇത് പിന്തുടർന്നാൽ ബാങ്ക് അക്കൗണ്ട് വിവരങ്ങളുൾപ്പടെ തട്ടിപ്പുക്കാർക്ക് ലഭ്യമാകുമെന്നാണ് ടെക് രംഗത്ത് പ്രവർത്തിക്കുന്ന വിദഗ്ധർ നൽകുന്ന മുന്നറിയിപ്പ്.

WhatsApp fake message about subscription