അർത്തുങ്കൽ മത്സ്യബന്ധന തുറമുഖ നിർമ്മാണം; കേരളത്തെ കുറ്റപ്പെടുത്തി കേന്ദ്രം
അര്ത്തുങ്കല് മത്സ്യബന്ധന തുറമുഖ നിർമാണം വൈകുന്നതിന് സംസ്ഥാന സര്ക്കാറിനെ കുറ്റപ്പെടുത്തി കേന്ദ്രം. സംസ്ഥാനത്തിന്റെ മെല്ലെപ്പോക്ക് കാരണമാണ് പണി വൈകുന്നത്. 2017 ജനുവരിയില് നിർമാണം പൂര്ത്തിയാക്കാന് ലക്ഷ്യമിട്ട് ആരംഭിച്ചതാണ് പദ്ധതി. നിർമാണത്തിെൻറ 30 ശതമാനം മാത്രമാണ് ഇതുവരെ പൂര്ത്തിയായത്. ഇതേ തുടർന്ന് അഴീക്കൽ, തോട്ടപ്പള്ളി, അർത്തുങ്കൽ തുറമുഖങ്ങളുടെ നിർമാണം വൈകുന്ന വിഷയം ചർച്ചചെയ്യാൻ കേന്ദ്ര മത്സ്യബന്ധന മന്ത്രാലയം ഉന്നതതല യോഗം വിളിച്ചു. പദ്ധതികളുടെ ഇപ്പോഴത്തെ അവസ്ഥ വിഡിയോഗ്രഫി അടക്കമുള്ള ഡിജിറ്റൽ രേഖകളോടെ മന്ത്രാലയത്തിന് സമർപ്പിക്കാനും കേന്ദ്രം നിർദേശിച്ചിട്ടുണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here