മലേഗാവ് സ്‌ഫോടനം; ശ്രീകാന്ത് പുരോഹിതിന് ജാമ്യം

2008 മലേഗാവ് സ്‌ഫോടനക്കേസിൽ പ്രതിയായ ലഫ്. കേണൽ ശ്രീകാന്ത് പുരോഹിതിന് സുപ്രിം കോടതി ജാമ്യം അനുവദിച്ചു. ഒമ്പതു വർഷത്തിനു ശേഷമാണ് പുരോഹിതിന് ജാമ്യം ലഭിച്ചത്. ജസ്റ്റിസുമാരായ ആർ കെ അഗർവാൾ, എ എം സപറേ എന്നിവരടങ്ങിയ സുപ്രിം കോടതി ബെഞ്ചാണ് ഹരജി പരിഗണിച്ചത്.

2008 സപ്തംബർ 29ന് നാഷിക് ജില്ലയിലെ മലേഗാവിലുണ്ടായ സ്‌ഫോടനത്തിൽ ഏഴു പേരാണ് കൊല്ലപ്പെട്ടത്. പുരോഹിതിന് ജാമ്യം അനുവദിക്കരുതെന്നായിരുന്നു കേസ് അന്വേഷിക്കുന്ന എൻ ഐ എയുടെ നിലപാട്. പുരോഹിതിനെതിരെ തെളിവുണ്ടെന്ന് സുപ്രിം കോടതിയിൽ നടന്ന വാദം കേൾക്കലിൽ എൻഐഎ വ്യക്തമാക്കി.

Malegaon blast case: SC grants bail to Lt Colonel Purohit