നെടുമ്പാശ്ശേരിയിൽ ലാൻഡിങ്ങിനിടെ റൺവേയിൽ നിന്നും വിമാനം തെന്നിമാറി

ലാൻഡിങ്ങിനിടെ റൺവേയിൽ നിന്നും എയർ ഇന്ത്യ വിമാനം തെന്നിമാറി. റൺവേക്ക് സമീപത്തുള്ള ഓടയിലേക്കാണ് വിമാനം ഇറങ്ങിയത്. എന്നാൽ, വിമാനത്തിന്റെ വേഗത 10 കി.മീറ്ററിലും താഴെയായതിനാൽ വൻദുരന്തം ഒഴിവാകുകയായിരുന്നു. ഇന്ന് പുലർച്ചെയാണ് അപകടം. 102 യാത്രക്കാരുമായി അബുദാബിയിൽ നിന്നും കൊച്ചിയിൽ 2.30ഓടെയെത്തിയ എയർ ഇന്ത്യയുടെ ഐ.എക്‌സ്452 വിമാനമാണ് അപകടത്തിൽപ്പെട്ടത്.

വിമാനം ലാൻഡ് ചെയ്ത ശേഷം ടാക്‌സിബേയിൽ നിന്നും പാർക്കിങ് ഏരിയയിലേക്ക് മാറ്റുന്നതിനിടെ വിമാനത്തിന്റെ നിയന്ത്രണം നഷ്ടപ്പെട്ട് തെന്നിമാറി ഓടയിലേക്ക് ഇറങ്ങിയത്. പൈലറ്റിന്റെ സമയോചിത ഇടപെടലാണ് വൻ ദുരന്തം ഒഴിവാകാൻ കാരണം.

nedumbassery aeroplane skids while landing