രാമലീലയ്ക്ക് സംരക്ഷണം ആവശ്യപ്പെട്ടുള്ള ഹർജി ഹൈക്കോടതി തള്ളി

നടിയെ ആക്രമിച്ച കേസിൽ വിചാരണ തടവിൽ കഴിയുന്ന ദിലീപിന്റെ പുതിയ ചിത്രം രാമലീല സിനിമയുടെ റിലീസിംഗിന് പോലീസ് സംരക്ഷണം തേടി സമർപ്പിച്ച ഹർജി ഹൈക്കോടതി വീണ്ടും തള്ളി. ചലച്ചിത്ര അക്കാദമി അംഗം ജി പി രാമചന്ദ്രന്റെ ഫേസ്ബുക്ക് പോസ്റ്റ്
പ്രകോപനപരമാണന്നും ഗുരുതര സാഹചര്യമാന്നെന്നും ചൂണ്ടിക്കാട്ടിയാണ് നിർമാതാവ് ടോമിച്ചൻ മുളകുപാടം വീണ്ടും കോടതിയെ സമീപിച്ചത്. ആരെങ്കിലും ഫേസ് ബുക്കിലിടുന്ന പോസ്റ്റ് ഗൗരവതരമായി കണക്കിലെടുക്കാനാവില്ലെന്ന് കോടതി വ്യക്തമാക്കി. അതേ സമയം ജി പി രാമചന്ദ്രനെതിരെ കേസെടുത്തതായി പോലീസ് അറിയിച്ചു.