ഐ ഫോൺ പൊട്ടിത്തെറിച്ച് യുവാവിന് പൊള്ളലേറ്റു

കോഴിക്കോട് പാന്റിന്റെ പോക്കറ്റിൽ കിടന്ന ഐഫോൺ പൊട്ടിത്തെറിച്ച് യുവാവിന് പൊള്ളലേറ്റു. നന്മണ്ട സ്വദേശിയായ പി കെ ജാഷിദി(27)നാണ് പൊള്ളലേറ്റത്. തുടയിൽ പൊള്ളലേറ്റ ജാഷിദ് സ്വകാര്യ ആശുപത്രിയിൽ ചികിത്സയിലാണ്.

കാറിലേയ്ക്ക് കയറാൻ തുടങ്ങുമ്പോഴാണ് പോക്കറ്റിലിരുന്ന് ഫോൺ പൊട്ടിത്തെറിച്ചത്. കഴിഞ്ഞ ദിവസം വാങ്ങിയ ഐഫോൺ 6 എസ് ആണ് പൊട്ടിത്തെറിച്ചത്. ഫോൺ പൂർണ്ണമായും തകരുകയും പോക്കറ്റ് കരിഞ്ഞു പോകുകയും ചെയ്തു. സംഭവത്തിൽ പോലീസിലും ആപ്പിൾ കമ്പനിയിലും പരാതി നൽകിയതായി ജാഷിദ് അറിയിച്ചു.