വിശ്വാസവോട്ടെടുപ്പ്; ഡിഎംകെയുടെ ഹർജി ഇന്ന് മദ്രാസ് ഹൈക്കോടതി പരിഗണിക്കും

തമിഴ്നാട് നിയമസഭയിൽ വിശ്വാസവോട്ടെടുപ്പ് നടത്തണമെന്നാവശ്യപ്പെട്ടുള്ള ഡിഎംകെയുടെ ഹർജി മദ്രാസ് ഹൈക്കോടതി ഇന്ന് പരിഗണിക്കും. എടപ്പാടി പളനിസ്വാമി സർക്കാരിന് നിർണായകമായ വിധിയാണിത്.  അയോഗ്യരാക്കിയതിനെതിരെ ടിടിവി ദിനകരൻ പക്ഷത്തെ എംഎൽഎമാർ നൽകിയ ഹർജിയിലും ഇന്ന് കോടതി അന്തിമവാദം കേൾക്കും.ജസ്റ്റിസ് കെ രവിചന്ദ്രബാബുവിന്‍റെ പുതിയ സിംഗിൾ ബെഞ്ചാണ് കേസിൽ വാദം കേൾക്കുക.

വിശ്വാസവോട്ടെടുപ്പ് നടത്താൻ ഗവർണർക്ക് നിർദേശം നൽകണമെന്നാവശ്യപ്പെട്ട് ഡിഎംകെ നൽകിയ ഹർജിയിലും ദിനകരൻ പക്ഷത്തെ എംഎൽഎമാരുടെ ഹ‍ർജിയിലുമായി ഇന്ന് അന്തിമവാദമാണ് നടക്കുക.  ദിനകരൻ പക്ഷത്തിന് വേണ്ടി ഹാജരാകുന്നത് മുതിർന്ന അഭിഭാഷകൻ ദുഷ്യന്ത് ദവെയാണ്.