ചൈനയോടും പാകിസ്ഥാനോടും ഒരേസമയം യുദ്ധം ചെയ്യാൻ തയ്യാർ : ഇന്ത്യൻ വ്യോമസേന മേധാവി

ഒരേസമയം പാകിസ്താനോടും ചൈനയോടും യുദ്ധം ചെയ്യാൻ ഇന്ത്യൻ വ്യോമസേന എല്ലാതരത്തിലും സജ്ജമാണെന്ന് എയർചീഫ് മാർഷൽ ബി.എസ് ധനോവ പറഞ്ഞു.

വ്യോമസേനയെ ഉൾപ്പെടുത്തി ഇനിയൊരു മിന്നലാക്രമണം സർക്കാർ തീരുമാനിച്ചാൽ അതിന് ഞങ്ങൾ തയ്യാറാണെന്നും ധനോവ പറഞ്ഞു. വ്യോമസേനാ ദിനത്തോടനുബന്ധിച്ച് നടന്ന വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

ശത്രുക്കൾ ഏത് മേഖലയിൽ ഉണ്ടെങ്കിലും അവരെ കണ്ടെത്തുന്നതിനും ഏത് സ്ഥലത്തും ആക്രമണം നടത്തുന്നതിനും സേന സജ്ജമാണെന്നും ഏത് വെല്ലുവിളിയും ഏറ്റെടുക്കുമെന്നും അദ്ദേഹം വാർത്താ സമ്മേളനത്തിൽ പറഞ്ഞു.

ready to fight pak and china at the same time