കുൽഭൂഷനെ കാണാൻ ഭാര്യയും മാതാവും ഇന്ന് പാകിസ്താനിൽ എത്തും

വധശിക്ഷയ്ക്കു വിധിക്കപ്പെട്ട് പാകിസ്താനിലെ ജയിലിൽ കഴിയുന്ന ഇന്ത്യൻ പൗരൻ കുൽഭൂഷൺ ജാദവിനെ സന്ദർശിക്കാൻ ഇന്ന് ഭാര്യയും മാതാവും ഇസ്‌ലാമാബാദിലെത്തും. വിമാനമാർഗം എത്തുന്ന ഇവർ ഇന്നുതന്നെ ഇന്ത്യയിലേക്ക് മടങ്ങുമെന്നും പാക് വിദേശകാര്യമന്ത്രാലയം ട്വിറ്ററിലൂടെ അറിയിച്ചു.

ഇസ്‌ലാമാബാദിലെ ഇന്ത്യൻ ഹൈക്കമ്മിഷൻ ഓഫിസിലെ ഉദ്യോഗസ്ഥനും ജാദവിന്റെ മാതാവിനേയും ഭാര്യയെയും അനുഗമിക്കും. പാക് വിദേശകാര്യമന്ത്രാലയത്തിലായിരിക്കും കൂടിക്കാഴ്ച്ച ഒരുക്കുക.