രജനി കാന്തിൻറെ രാഷ്ട്രീയപ്രവേശനം; അന്തിമ നിലപാട് നാളെയറിയാം

രാഷ്ട്രീയ പ്രവേശനം സംബന്ധിച്ച സൂപ്പർ താരം രജനി കാന്തിൻറെ അന്തിമ നിലപാട് നാളെയറിയാം. ചെന്നൈ കോടമ്പാക്കത്ത് കഴിഞ്ഞ ചൊവ്വാഴ്ച മുതൽ ആരാധക സംഗമത്തിൽ പങ്കെടുക്കുകയാണ് താരം. നാളെയാണ് സംഗമത്തിൻറെ അവസാനദിനം. അന്നേ ദിവസം നിർണ്ണായകമായ തീരുമാനം വ്യക്തമാക്കുമെന്നാണ് സൂചന. അവസാന ദിനം തൻറെ നിലപാട് വ്യക്തമാക്കുമെന്ന് രജനികാന്തും വെളിപ്പെടുത്തിയിരുന്നു. യുദ്ധത്തിനിറങ്ങിയാൽ ജയിക്കണമെന്ന് ആദ്യ ദിവസം ആരാധകരോടെ രജനി വ്യക്തമാക്കിയിരുന്നു. ആരാധകരും തമിഴ്നാട് രാഷ്ട്രീയവും ഒരുപോലെ ഉറ്റുനോക്കുന്ന ദിനമാണ് നാളെ.