ഡോക്ടര്‍മാര്‍ സമരം തുടരുന്നത് ജനങ്ങളെ അപമാനിക്കുന്നതിന് തുല്യം;ആരോഗ്യമന്ത്രി

സര്‍ക്കാര്‍ ആശുപത്രികളിലെ ജൂനിയര്‍ ഡോക്ടര്‍മാര്‍ ഇനിയും സമരം തുടരുന്നത് ജനങ്ങളെ അപമാനിക്കുന്നതിന് തുല്യമെന്ന് ആരോഗ്യമന്ത്രി കെ.കെ ശൈലജ. ഇന്നലെ നടന്ന ചര്‍ച്ചയില്‍ ഒത്തുതീര്‍പ്പ് നയം സ്വീകരിച്ച് സമരം അവസാനിപ്പിച്ച ഡോക്ടര്‍മാര്‍ ഇന്ന് വീണ്ടും സമരം ആരംഭിച്ചത് ശരിയായ നടപടിയല്ലെന്നും മന്ത്രി പറഞ്ഞു. ഡോക്ടര്‍മാര്‍ക്ക് സര്‍ക്കാര്‍ അനുഭാവപൂര്‍ണ്ണമായ പരിഗണന നല്‍കുന്നുണ്ട്. എന്നിട്ടും ഇത്തരത്തിലൊരു സമീപനം ഡോക്ടര്‍മാര്‍ സ്വീകരിച്ചതിനെ മന്ത്രി കുറ്റപ്പെടുത്തി. സമരത്തെ സര്‍ക്കാര്‍ ശക്തമായി നേരിടുമെന്നും ഇനിയും സമരം തുടര്‍ന്നാല്‍ ഗുരുതരമായ പ്രത്യാഘാതം ഡോക്ടര്‍മാര്‍ നേരിടേണ്ടി വരുമെന്നും ആരോഗ്യമന്ത്രി പറഞ്ഞു.