വിമാനം ടേക്ക് ഓഫ് ചെയ്തത് ഈ വർഷം എന്നാൽ ലാൻഡ് ചെയ്തത് കഴിഞ്ഞ വർഷം !

വിമാനം ടേക്ക ഓഫ് ചെയ്തത് ഈ വർഷം, എന്നാൽ ലാൻഡ് ചെയ്തത് കഴിഞ്ഞ വർഷം. അതായത് 2018 ൽ പുറപ്പെട്ട വിമാനം ലാൻഡ് ചെയ്തത് 2017 ൽ. അവിശ്വസനീയമായ ഈ സംഭവത്തിനാണ് ഹവായീൻ എയർലൈൻസ് വിമാനയാത്രികർ സാക്ഷ്യം വഹിച്ചത്.

പുതുവത്സരം പിറന്ന ശേഷം യാത്ര പുറപ്പെട്ടവർ എത്തിച്ചേർന്ന സ്ഥലത്ത് 2017 ഡിസംബർ 31 തന്നെയായിരുന്നു.

ആഗോള സമയ വ്യത്യാസത്തിൻറെ അടിസ്ഥാനത്തിലാണ് ഈ അപൂർവത. ന്യൂസിലൻഡിലെ ഓക് ലൻഡിൽ നിന്ന് ജനുവരി ഒന്നിന് പുലർച്ചെ പുറപ്പെട്ട വിമാനം അമേരിക്കൻ ദ്വീപായ ഹവായിലെ ഹൊണോലുലുവിലെത്തിയത് 2017 ഡിസംബർ 31ന്. ജനവുരി ഒന്നിന് പുലർച്ച 12.05 നാണ് ഓക് ലൻഡിൽ നിന്ന് ഹവായീൻ എയർലൈൻസ് പുറപ്പെട്ടത്. ന്യൂസീലൻഡും ഹവായ് ദ്വീപും തമ്മിലുള്ള സമയ വ്യത്യാസം 23 മണിക്കൂറാണ്.

flight took off in 2018 and landed in 2017