ടിടിവി ദിനകരന്‍ വിജയിച്ചത് പണമെറിഞ്ഞാണെന്ന് കമല്‍ഹാസന്‍

ആര്‍ കെ നഗര്‍ ഉപതെരഞ്ഞെടുപ്പില്‍ ടിടിവി ദിവകരന്‍ വിജയിച്ചത് പണം വാരിയെറിഞ്ഞാണെന്ന് കമ്ല‍ ഹാസന്‍. ആനന്ദവികടനിലെ പംക്തിയിലാണ് കമല്‍ഹാസന്റെ പരാമര്‍ശം. എന്നാല്‍ ദിനകരന്റെ പേര് പരാമര്‍ശിക്കാതെയാണ് കമല്‍ഹാസന്‍ ആരോപണം ഉന്നയിച്ചിരിക്കുന്നത്. ഈ ജയം ഇന്ത്യന്‍ ജനാധിപത്യത്തിനും തമിഴ്‌രാഷ്ട്രീയത്തിനും തന്നെ നാണക്കേടാണ്. ഇത് വലിയ അഴിമതിയാണെന്നും കമല്‍ വ്യക്തമാക്കി.

രജനികാന്തിന് പിന്നാലെ കമല്‍ഹാസനും രാഷ്ട്രീയത്തിലേക്ക് പ്രവേശിക്കും എന്ന് വാര്‍ത്ത പരക്കുന്നതിനിടെയാണ് ഇപ്പോള്‍ ഈ വിവാദ പരാമ്ര‍ശം വന്നിരിക്കുന്നത്. ആനന്ദവികടനിലെ പംക്തിയിലൂടെ നിരന്തരമായി കമല്‍ തന്നെ രാഷ്ട്രീയ നിലപാടുകള്‍ വ്യക്തമാക്കിക്കൊണ്ടിരിക്കുകയാണ്.