ഫോണ്‍കെണി വിവാദ കേസില്‍ ശശീന്ദ്രന് തിരിച്ചടി

ഫോണ്‍കെണി വിവാദത്തില്‍ കേസ് ഒത്തുതീര്‍പ്പാക്കണമെന്ന് ആവശ്യപ്പെട്ട് പരാതിക്കാരി ഹൈക്കോടതിയില്‍ നല്‍കിയ ഹര്‍ജി പിന്‍വലിച്ചു. കേസ് ഒത്തുതീര്‍പ്പായി വീണ്ടും മന്ത്രി സ്ഥാനത്തേക്ക് എത്താന്‍ ശശീന്ദ്രന്‍ തയ്യാറെടുപ്പുകള്‍ തുടങ്ങവേ ആണ് പരാതിക്കാരിയായ മാധ്യമപ്രവര്‍ത്തക ഒത്തുതീര്‍പ്പ് ഹര്‍ജി പിന്‍വലിച്ചത്. ഹർജി പിൻവലിക്കുന്നുണ്ടോ എന്ന് കോടതി നേരത്തെ
ഹർജിക്കാരിയുടെ അഭിഭാഷകനോട് ആരാഞ്ഞിരുന്നു. ഉച്ചകഴിഞ് കേസ് പിൻവലിക്കുകയാണെന്ന് യുവതിയുടെ അഭിഭാഷകൻ കോടതിയെ അറിയിക്കുകയായിരുന്നു. ഇതോടെ മന്ത്രി സ്ഥാനത്തേക്ക് തിരിച്ചെത്താന്‍ ശശീന്ദ്രന് ഇനിയും കാത്തിരിക്കേണ്ടി വരും.