പത്മാവത് ഗോവയില്‍ പ്രദര്‍ശിപ്പിക്കരുതെന്ന് പോലീസ്

വിവാദമായ ബോളിവുഡ് ചിത്രം പ്രദര്‍ശിപ്പിക്കരുതെന്ന് ഗോവ സര്‍ക്കാറിനോട് പോലീസ്. സിനിമ പ്രദര്‍ശിപ്പിക്കുന്ന തീയറ്ററുകള്‍ക്കെതിരെ ആക്രമണം ഉണ്ടാകുമെന്ന മുന്നറിയിപ്പിനെ തുടര്‍ന്നാണ് നടപടി. ആക്രമണം ഉണ്ടായാല്‍ വിനോദസഞ്ചാര മേഖലയെ അത് ബാധിക്കുമെന്നാണ് പോലീസ് പറയുന്നത്. തീയറ്ററുകള്‍ക്ക് സുരക്ഷ ഒരുക്കുന്നത് ദുഷ്കരമാണെന്നും പോലീസ് പറയുന്നു. വിഷയത്തിൽ ആലോചിച്ച് ഉടൻ തീരുമാനമെടുക്കുമെന്ന് ഗോവ മുഖ്യമന്ത്രി മനോഹർ പരീക്കർ വ്യക്തമാക്കിയിട്ടുണ്ട്. 25നാണ് ചിത്രം തീയറ്ററുകളില്‍ എത്തുന്നത്.