സെഞ്ചൂറിയന്‍ ടെസ്റ്റ്; അവസാന ദിനം ഇന്ത്യയ്ക്ക് അഗ്നിപരീക്ഷ

സെഞ്ചൂറിയനില്‍ നടക്കുന്ന ഇന്ത്യ-സൗത്താഫ്രിക്ക രണ്ടാം ടെസ്റ്റ് മത്സരത്തില്‍ ഇന്ത്യ പ്രതിസന്ധിയില്‍. 287 റണ്‍സിന്റെ വിജലക്ഷ്യവുമായി രണ്ടാം ഇന്നിംഗ്‌സ് ആരംഭിച്ച ഇന്ത്യ തകര്‍ച്ചയുടെ വക്കിലാണ്. വെറും 35 റണ്‍സ് എടുക്കുന്നതിനിടയില്‍ ഇന്ത്യയുടെ മൂന്ന് മുന്‍നിര വിക്കറ്റുകളും നഷ്ടപ്പെട്ടു. ഓപ്പണര്‍മാരായ മുരളി വിജയ്, ലോകേഷ് രാഹുല്‍, ക്യാപ്റ്റന്‍ വിരാട് കോഹ്‌ലി എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ചേതേശ്വര്‍ പൂജാരയും പാര്‍ഥിവ് പട്ടേലുമാണ് ഇപ്പോള്‍ ക്രീസില്‍. ഇന്നാണ് സെഞ്ചൂറിയന്‍ ടെസ്റ്റിന്റെ അവസാന ദിനം.