മെഡിക്കല്‍ കോഴക്കേസ്; രേഖകള്‍ ചോര്‍ന്നത് പരിശോധിക്കണം

മെഡിക്കല്‍ കോഴക്കേസുമായി ബന്ധപ്പെട്ട രേഖകള്‍ ചോര്‍ന്നത് എങ്ങനെയാണെന്ന് പരിശോധിക്കണമെന്ന് ഹൈക്കോടതിയിലെ മുന്‍ ജഡ്ജിയും മെഡിക്കല്‍ കോഴക്കേസില്‍ ആരോപണവിധേയനുമായ ഐ.എം ഖുദൂസി. സിബിഐ കോടതിയില്‍ അദ്ദേഹം അന്വേഷണം ആവശ്യപ്പെട്ട് ഹര്‍ജി നല്‍കി. സിബിഐ തന്റെ ഫോണ്‍ സംഭാഷണം ചോര്‍ത്തിയിട്ടുണ്ടോ എന്ന് അന്വേഷിക്കണം. സിബിഐ അങ്ങനെ ചെയ്തിട്ടുണ്ടെങ്കില്‍ അവര്‍ക്കെതിരെ നടപടി എടുക്കണമെന്ന് ആവശ്യപ്പെട്ടാണ് ഐ.എം ഖുദൂസി ഹര്‍ജി നല്‍കിയിരിക്കുന്നത്. ഈ മാസം 22ന് സിബിഐ കോടതി ഹര്‍ജി പരിഗണിക്കും.