പതിനാലുകാരൻ കൊല്ലപ്പെട്ട സംഭവം; താൻ ഒറ്റയ്ക്കാണ് മകനെ കൊന്നതെന്ന് അമ്മ

കൊട്ടിയത്ത് മൂന്ന് ദിവസങ്ങൾക്കുമുമ്പ് കാണാതായ 14 വയസുകാരന്റെ കൊലപാതകം സംബന്ധിച്ച് അമ്മയുടെ നിർണ്ണായക മൊഴി പുറത്ത്. താൻ ഒറ്റയ്ക്കാണ് മകനെ കൊന്നതെന്ന് അമ്മ പോലീസിൽ മെഴി നൽകി. അമ്മയാണ് മകനെ കൊലപ്പെടുത്തിയതെന്ന സംശയത്തിന്റെ നിഴലിലാണ് പോലീസ് അമ്മയെ കസ്റ്റഡിയിലെടുത്തത്. ഈ സംശയം ശരിവെച്ചുകൊണ്ടായിരുന്നു അമ്മയുടെ മൊഴി.

കൊട്ടിയത്ത് മൂന്ന് ദിവസങ്ങൾക്കുമുമ്പ് കാണാതായ 14 വയസുകാരനെ മരിച്ച നിലയിൽ കണ്ടെത്തിയത്. കൊല്ലം കൊട്ടിയം സ്വദേശി ജിത്തു ജോബിനെയാണ് മരിച്ച നിലയിൽ കണ്ടെത്തിയത്. ബുധനാഴ്ച വൈകുന്നേരം കുടുംബ വീടിന് സമീപം കത്തിക്കരിഞ്ഞ നിലയിലാണ് മൃതദേഹം കണ്ടെത്തിയത്.