യുഎഇയിൽ ശക്തമായ പൊടിക്കാറ്റ്; ജാഗ്രതാ നിർദ്ദേശം

യുഎഇയിൽ ശക്തമായ തണുപ്പും പൊടിക്കാറ്റും. ഇതേ തുടർന്ന് വാഹനമോടിക്കുന്നവർ ജാഗ്രത പാലിക്കണമെന്ന് അധികൃതർ നിർദ്ദേശം നൽകി. പ്രദേശങ്ങളിൽ താപനില 15 ഡിഗ്രി സെൽഷ്യസ് താഴ്ന്നു. പൊടിക്കാറ്റിൽ ദൂരക്കാഴ്ച കുറയുന്നതിനാൽ വാഹനങ്ങൾ വേഗം കുറച്ച് ഓടിക്കാനാണ് നിർദ്ദേശം.

ചിലസ്ഥലങ്ങളിൽ 10 മുതൽ 15 ഡിഗ്രി സെൽഷ്യസ് വരെയായിരുന്നു താപനില. പുലർച്ചെ തുടങ്ങിയ തണുപ്പ് കാറ്റ് വൈകീട്ടും തുടർന്നു. ചിലസ്ഥലങ്ങളിൽ നേരിയ മഴയും ലഭിച്ചു.