ഇരിപ്പിടം ആറാം നിലയില്; വിവാദമാക്കാതെ രാഹുല്
റിപ്പബ്ലിക്ക് ദിനത്തിലെ പരേഡ് കാണാന് കോണ്ഗ്രസ് അധ്യക്ഷന് രാഹുല് ഗാന്ധി ഇരുന്നത് ആറാം നിരയില്. ഇരിപ്പിടം ആറാം നിരയില് ഒരുക്കിയതില് തനിക്ക് പ്രതിഷേധമില്ലെന്ന് രാഹുല് ഗാന്ധി പറഞ്ഞു. കേന്ദ്ര സര്ക്കാര് നടപടിയോട് പ്രതികരിക്കുകയായിരുന്നു രാഹുല് ഗാന്ധി. എവിടെ ഇരിക്കുന്നു എന്നുള്ളത് താന് കാര്യമാക്കുന്നില്ലെന്നും രാഹുല് പ്രതികരിച്ചു. മുന്പ് മുന് നിരയിലാണ് കോണ്ഗ്രസ് അധ്യക്ഷന് സ്ഥാനമൊരുക്കാറുള്ളത്. അതിന് വിപരീതമായാണ് രാഹുല് ഗാന്ധിയ്ക്ക് കേന്ദ്ര സര്ക്കാര് ഇത്തവണ സ്ഥാനമൊരുക്കിയത്. റിപ്പബ്ലിക് ദിന പരേഡ് നടക്കുന്പോൾ രാജ്പഥിൽ ഒരുക്കിയ ഇരിപ്പിടങ്ങളിൽ ആറാം നിലയിലായിരുന്നു രാഹുലിന് സർക്കാർ സ്ഥാനം നൽകിയത്. രാജ്യസഭയിലെ പ്രതിപക്ഷ നേതാവ് ഗുലാം നബി ആസാദിനും രാഹുലിനൊപ്പമായിരുന്നു ഇരിപ്പിടം. അതേസമയം, ബിജെപി അധ്യക്ഷൻ അമിത്ഷാ, മുതിർന്ന നേതാവ് എൽ.കെ.അഡ്വാനി എന്നിവർക്ക് സർക്കാർ മുൻനിരയിൽ ഇരിപ്പിടമൊരുക്കുകയും ചെയ്തിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here