ഫീസ് അടയ്ക്കാത്തതിനാല്‍ പരീക്ഷാ ഹാളില്‍ നിന്ന് ഇറക്കി വിട്ടു; പെണ്‍കുട്ടി ജീവനൊടുക്കി

ഫീസ് അടയ്ക്കാത്തതിനാല്‍ സ്ക്കൂള്‍ അധികൃതര്‍ പരീക്ഷാ ഹോളില്‍ നിന്ന് ഇറക്കിവിട്ട പെണ്‍കുട്ടി ആത്മഹത്യ ചെയ്തനിലയില്‍. ഹൈദ്രാബാദിലാണ് സംഭവം. ഒമ്പതാം ക്ലാസുകാരിയാണ് തൂങ്ങിമരിച്ചത്. ഫീസ് അടയ്ക്കാത്തതിനാല്‍ പരീക്ഷ എഴുതാന്‍ അനുവദിക്കാതിരുന്ന സ്ക്കൂള്‍ അധികൃതര്‍ പരീക്ഷാ ഹോളില്‍ നിന്ന് കുട്ടിയെ പരസ്യമായി അപമാനിച്ചിരുന്നു. മല്‍കജ്ഗിരിയിലെ വീട്ടിലാണ് കുട്ടി ആത്മഹത്യ ചെയ്തത്. പരീക്ഷ എഴുതാന്‍ തന്നെ അനുവദിച്ചില്ലെന്നും അമ്മ എന്നോട് ക്ഷമിക്കണമെന്നും എഴുതിയ ആത്മഹത്യാ കുറിപ്പ് കണ്ടെത്തിയിട്ടുണ്ട്. കുട്ടിയുടെ ബന്ധുക്കളുടെ പരാതിയെ തുടര്‍ന്ന് സ്ക്കൂള്‍ അധികൃതര്‍ക്കെതിരെ പോലീസ് ആത്മഹത്യാ പ്രേരണയ്ക്ക് കേസ് എടുത്തിട്ടുണ്ട്.