ഓഖി ദുരന്ത ബാധിതരുടെ കണക്കില്‍ സര്‍ക്കാരിന് അവ്യക്തതകളില്ലെന്ന് മന്ത്രി മേഴ്‌സിക്കുട്ടിയമ്മ

ഓഖി ദുരന്തത്തില്‍ മരിച്ചവരുടെയും കാണാതായവരുടെയും കണക്കുകളില്‍ സര്‍ക്കാരിന് യാതൊരു അവ്യക്തതകളുമില്ലെന്ന് തുറമുഖവകുപ്പ് മന്ത്രി ജെ.മേഴ്‌സിക്കുട്ടിയമ്മ നിയമസഭയില്‍ അറിയിച്ചു. ദുരന്തത്തില്‍ അകപ്പെട്ട് സംസ്ഥാനത്ത് മരിച്ചവരുടെ എണ്ണം 51 ആണ്. 103 പേരെ തിരുവനന്തപുരത്ത് നിന്നും കണ്ടെത്താനുണ്ട്. ഇത്രകാലം കഴിഞ്ഞതിനാല്‍ അവരെയെല്ലാം മരിച്ചവരുടെ കൂട്ടത്തിലാണ് നിലവില്‍ സര്‍ക്കാര്‍ ചേര്‍ത്തിരിക്കുന്നത്. ദുരന്തബാധിതരുടെ കണക്കില്‍ സര്‍ക്കാരിന് അവ്യക്തതകളുണ്ടെന്ന് പ്രചരിപ്പിക്കുന്നത് ബോധപൂര്‍വമാണെന്നും മന്ത്രി നിയമസഭയില്‍ കുറ്റപ്പെടുത്തി.