വാട്‌സാപ്പ് വഴി ഇനി പണവും കൈമാറാം

വാട്‌സാപ്പിലൂടെ ഇനി മുതൽ പണവും കൈമാറാം. പണം കൈമാറാൻ കഴിയുന്ന സംവിധാനത്തോടെ വാട്‌സ് ആപ് ബീറ്റാ വെർഷൻ പുറത്തിറക്കി.

ആൻഡ്രോയിഡിലും ഐഒ എസിലും പ്രവർത്തിക്കുന്ന ഫോണുകളിൽ പണ വിനിമയം സാധ്യമാകും. ഇന്ത്യയിൽ ഡിജിറ്റൽ പെയ്‌മെൻറ് നിയന്ത്രിക്കുന്ന നാഷണൽ പെയ്‌മെൻറ് സ് കോർപ്പറേഷൻ ഓഫ് ഇന്ത്യയുമായി ചേർന്നാണ് വാട്‌സ് ആപ് പണവിനിമയം.

യുപിഐ (യൂണിഫൈഡ് പെയ്‌മെൻറ് ഇൻറർ ഫേസ് )എന്ന സേവനമുപയോഗിച്ചാണ് വാട്‌സാപ്പ് വഴിയുള്ള പണമിടപാട്. അതുകൊണ്ടുതന്നെ ഓരോ തവണ പണമയക്കുമ്പോഴും എം.പിൻ നൽകേണ്ടതാണ്. നേരത്തെ യുപിഐ സേവനം ആക്ടിവേറ്റ് ചെയ്തവർക്ക് നിങ്ങളുടെ മൊബൈൽ നമ്പറുമായി ലിങ്ക് ചെയ്തിരിക്കുന്ന ബാങ്ക് അക്കൗണ്ട് തിരഞ്ഞെടുത്ത് എം.പിൻ ഉപയോഗിച്ച് ഇടപാട് നടത്താനാകും.

whatsapp payment feature