14
Dec 2018
Friday
24 Channel

ഓട്ടിസം മാറാൻ കുഞ്ഞിന് ഓൺലൈനിൽ ലഭിച്ച മരുന്ന് കലക്കി കൊടുത്ത് അമ്മ; മരുന്നിന് പിന്നിലെ സത്യം അറിഞ്ഞപ്പോൾ ഞെട്ടി !

mom gives online medicine for autism kid

ഓട്ടിസം ബാധിച്ച കുഞ്ഞിന്റെ അസുഖം മാറാൻ ഓൺലൈനിൽ ലഭിച്ച മരുന്ന് കലക്കി കൊടുത്ത് അമ്മ. എന്നാൽ ഈ മരുന്ന് എന്താണെന്നറിയാതെയാണ് അമ്മ കുഞ്ഞിന് അത് നൽകിയത്. ഇൻഡ്യാനയിലാണ് സംഭവം.

ഫേസ്ബുക്കിൽ കണ്ടിട്ടാണ് കുഞ്ഞിന് ഈ മരുന്ന് നൽകുന്നത്. കുട്ടിയുടെ അച്ഛൻ തന്നെയാണ് ഇക്കാര്യം വെളിപ്പെടുത്തിയത്. മിറാക്കിൾ മിനറൽ സൊല്യൂഷൻ എന്ന് പറഞ്ഞ് ഓൺലൈനിൽ ലഭിക്കുന്ന ഈ ദ്രാവകം വെറും ബ്ലീച്ചാണെന്ന് തെളിഞ്ഞിട്ടുണ്ട്.

സംഭവത്തിൽ കേസെടുത്ത ഇൻഡ്യാന മെട്രോപൊളിറ്റൻ പോലീസ് കുഞ്ഞിനെ ശിശുക്ഷേമ വകുപ്പിന് കീഴിലുള്ള ഷെൽറ്റർ ഹോമിലേക്ക് മാറ്റിയിട്ടുണ്ട്.

ഓട്ടിസം എന്ന അവസ്ഥയ്ക്ക് മരുന്നില്ലെന്ന് അപ്ലൈഡ് ബിഹേവ്യറൽ സെന്റർ ഓഫ് ഓട്ടിസം അധികൃതർ പറയുന്നു.

Top