മുന്നോറോളം തീവ്രവാദികള്‍ ഇന്ത്യയിലേക്ക് നുഴഞ്ഞുകയറാന്‍ ഒരുങ്ങിയിരിക്കുന്നതായി റിപ്പോര്‍ട്ടുകള്‍

ജമ്മു കാശ്മീരില്‍ ഇന്ത്യയുടെ അതിര്‍ത്തി വഴി രാജ്യത്ത് നുഴഞ്ഞുകയറാനും ഭീകരാക്രമണം നടത്താനും 300 ലേറെ തീവ്രവാദികള്‍ ഒരുങ്ങിയിരിക്കുന്നതായി റിപ്പോര്‍ട്ടുകള്‍. ഇന്ത്യന്‍ സൈനിക വൃത്തങ്ങളാണ് ഇക്കാര്യം അറിയിച്ചത്. സാന്‍ജ്വാനില്‍ നടന്ന ഭീകരാക്രമണങ്ങളുടെ വെളിച്ചത്തിലാണ് ഇതേകുറിച്ചുള്ള വിവരങ്ങള്‍ പുറത്തുവന്നത്. അതേസമയം നിയന്ത്രണരേഖ കടന്നുള്ള ആക്രമണത്തിന് ഇന്ത്യ മുതിരില്ലെന്നും യുദ്ധ തന്ത്രങ്ങള്‍ കൃത്യമായി ആവിഷ്‌കരിച്ച ശേഷം ഇന്ത്യയുടെ ഭാഗത്തുനിന്ന് തിരിച്ചടികള്‍ നല്‍കുമെന്നും സൈനിക വൃത്തങ്ങള്‍ അറിയിച്ചു. ആക്രമണങ്ങള്‍ക്കു പിന്നില്‍ പാകിസ്ഥാന് കൃത്യമായ പങ്കുണ്ടെന്നും ഇന്ത്യന്‍ സൈനിക വൃത്തങ്ങള്‍ അറിയിച്ചു.