വനിത ക്രിക്കറ്റിലും ഇന്ന് ഇന്ത്യ-സൗത്താഫ്രിക്ക മത്സരം

ഇന്ത്യയുടെയും സൗത്താഫ്രിക്കയുടെയും പുരുഷന്മാരുടെ ക്രിക്കറ്റ് ടീമിനൊപ്പം വനിതാ ക്രിക്കറ്റ് ടീമും ഇന്ന് കളത്തില്‍ ഏറ്റുമുട്ടും. ഇരു രാജ്യത്തിന്റെയും വനിതാ ക്രിക്കറ്റ് ടീമുകള്‍ ഇന്ന് രണ്ടാം ട്വന്റി-20 മത്സരത്തിനായി കളത്തിലിറങ്ങും. പരമ്പരയിലെ ആദ്യ മത്സരത്തില്‍ ഇന്ത്യ വിജയിച്ചിരുന്നു.  സൗത്താഫ്രിക്കയിലെ ഈസ്റ്റ് ലണ്ടനിലാണ് മത്സരം. നേരത്തേ നടന്ന ഏകദിന പരമ്പര ഇന്ത്യ 2-1ന് സ്വന്തമാക്കിയിരുന്നു. വൈകീട്ട് 4.30നാണ് മത്സരം ആരംഭിക്കുക.