കെല്‍വിന്‍ ചുഴലിക്കാറ്റ്; ഓസ്‌ട്രേലിയയില്‍ ജാഗ്രത നിര്‍ദേശം

ഞായറാഴ്ച പുലർച്ചെ പശ്ചിമ ഓസ്ട്രേലിയയിൽ കെൽവിൻ ചുഴലിക്കാറ്റ് വീശിയടിച്ചതിനെ തുടർന്ന് ജാഗ്രതാ നിർദേശം പുറപ്പെടുവിച്ചു. 165 കിലോമീറ്റർ വേഗതയിലാണ് കാറ്റ് വീശുന്നത്. പിൽബറ മേഖലയിലുള്ളവർ സുരക്ഷിത കേന്ദ്രങ്ങളിലേക്ക് മാറണമെന്ന് അധികൃതർ മുന്നറിയിപ്പ് നൽകി. പിൽബറയിലും കിംബറയിലും ചില റോഡുകൾ അടച്ചു. കാറ്റഗറി രണ്ടിൽ പെടുന്ന കാറ്റാണ് തീരത്ത് വീശിയതെന്നും കാലാവസ്ഥ നിരീക്ഷണ വിഭാഗം അറിയിച്ചു.