സാഹിത്യകാരന് കെ.പാനൂര് അന്തരിച്ചു
തിരുവനന്തപുരം: എഴുത്തുകാരനും സാമൂഹിക പ്രവർത്തകനുമായ കെ. പാനൂർ (84) അന്തരിച്ചു. ചൊവ്വാഴ്ച കണ്ണൂരിലെ സ്വകാര്യ ആശുപത്രിയിലായിരുന്നു അന്ത്യം. കെ. പാനൂർ എന്ന തൂലികാനാമത്തിൽ അറിയപ്പെട്ടിരുന്ന കുഞ്ഞിരാമൻ പാനൂർ കേരളത്തിലെ ആഫ്രിക്ക, ഹാ നക്സല് ബാരി, കേരളത്തിലെ അമേരിക്ക തുടങ്ങിയ ഗ്രന്ഥങ്ങളുടെ രചയിതാവാണ്. വിദ്യാർഥികാലത്തു തന്നെ എഴുത്തിന്റെ രംഗത്ത് സജീവമായിരുന്നു കുഞ്ഞിരാമൻ പാനൂർ. റവന്യൂ വിഭാഗം ജീവനക്കാരനായാണ് ഔദ്യോഗികജീവിതം ആരംഭിക്കുന്നത്. കേരളത്തിൽ പലയിടങ്ങളിലായി ആദിവാസി ക്ഷേമപ്രവർത്തനത്തിൽ അഴിമതിമുക്തമായ സേവനം നടത്തി. ഡപ്യൂട്ടി കളക്ടറായാണ് സർവീസിൽനിന്ന് വിരമിച്ചത്. 2006-ൽ സമഗ്രസംഭാവനക്കുള്ള കേരള സാഹിത്യ അക്കാദമി പുരസ്കാരം ലഭിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here