23
Jan 2019
Wednesday
Save Alappad

ശ്രീദേവിയുടെ അപ്രതീക്ഷിത മരണത്തില്‍ അനുശോചന പ്രവാഹം

sreedevi new

നടി ശ്രീദേവിയുടെ അപ്രതീക്ഷിത മരണത്തില്‍ അനുശോചന പ്രവാഹം. താരത്തിന്റെ നിര്യാണത്തില്‍ അതീവ സങ്കടമെന്നാണ് പ്രധാനമന്ത്രി മോഡി പ്രതികരിച്ചത്. സിനിമാ മേഖലയില്‍ വളരെയേറെ അനുഭവ സമ്പത്തുള്ളയാളാണ് ശ്രീദേവി. അവരുടെ സിനിമാ ജീവിതത്തില്‍ നിരവധി കഥാപാത്രങ്ങള അവതരിപ്പിക്കുകയും അവിസ്മരണീയമായ പ്രകടനം നടത്തുകയും ചെയ്തിട്ടുണ്ട്. അവരുടെ വേർപാടിൽ ദുഃഖിക്കുന്ന ഏവരോടും അനുശോശനം അറിയിക്കുന്നു. അവരുടെ ആത്മാവിന് നിത്യശാന്തി നേരുന്നു’ എന്നാണ് മോഡി ട്വിറ്ററില്‍ കുറിച്ചത്.

മരണവാര്‍ത്ത ഞെട്ടിച്ചെന്നാണ് രാഷ്ട്രപതി റാംനാഥ് കോവിന്ദിന്റെ ട്വീറ്റ്. ലക്ഷക്കണക്കിനു വരുന്ന ആരാധകരുടെ ‍നെഞ്ചു തകർത്താണ് അവർ കടന്നുപോകുന്നത്. മൂണ്ട്രം പിറൈ, ലാംമെ ഇംഗ്ലിഷ് വിംഗ്ലിഷ് തുടങ്ങിയ സിനിമകളിലെ അഭിനയം മറ്റു അഭിനേതാക്കൾക്ക് ഒരു പ്രചോദനമാണ്. അവരുടെ കുടുംബത്തോടും സഹപ്രവര്‍ത്തകരോടും അനുശോചനം അറിയിക്കുന്നുവെന്നും രാഷ്ട്രപതി കുറിച്ചു.


അഞ്ചു ദശാബ്ദം ഇന്ത്യൻ സിനിമയിൽ നിറഞ്ഞു നിന്ന ശ്രീദേവിയുടെ ആകസ്മിക വേർപാട് വ്യസനകരമാണെന്നാണ് മുഖ്യമന്ത്രി പിണറായി വിജയന്‍ പ്രതികരിച്ചത്. വ്യത്യസ്ത ഭാഷകളിൽ അനേകം അനശ്വര കഥാപാത്രങ്ങളെ അവതരിപ്പിച്ച ശ്രീദേവിയുടെ അകാല നിര്യാണം ഇന്ത്യൻ ചലച്ചിത്ര ലോകത്തിന് അപരിഹാര്യ നഷ്ടമാണെന്നും പിണറായിവിജയന്‍ ഫെയ്സ്ബുക്കില്‍ കുറിച്ചു.

Top