സഫീറിന്റെ വീട് മുഖ്യമന്ത്രി സന്ദര്‍ശിച്ചു

മണ്ണാര്‍ക്കാട് കൊലചെയ്യപ്പെട്ട ലീഗ് പ്രവര്‍ത്തകന്‍ സഫീറിന്റെ വീട്ടില്‍ മുഖ്യമന്ത്രി പിണറായി വിജയന്‍ എത്തി. അട്ടാപ്പാടിയില്‍ നാട്ടുകാരുടെ മര്‍ദ്ദനത്തില്‍ കൊലചെയ്യപ്പെട്ട മധുവിന്റെ വീട് സന്ദര്‍ശിച്ച് മടങ്ങുംവഴിയാണ് മണ്ണാര്‍ക്കാടുള്ള സഫീറിന്റെ വീട്ടിലേക്കും മുഖ്യമന്ത്രി എത്തിയത്. സഫീറിന്റെ വീട്ടിലെത്തിയ മുഖ്യമന്ത്രി സഫീറിന്റെ മതാപിതാക്കളെ ആശ്വസിപ്പിച്ചു. കൊലപാതകത്തെ കുറിച്ച് കൃത്യമായ അന്വേഷണം നടത്തുമെന്നും പ്രതികള്‍ക്കെതിരെ ശക്തമായ നടപടികള്‍ സ്വീകരിക്കുമെന്നും മുഖ്യമന്ത്രി സഫീറിന്റെ കുടുംബത്തിന് ഉറപ്പ് നല്‍കി.