പാചകവാതക വില കുറഞ്ഞു

ഗാർഹിത വാണിജ്യ ആവശ്യങ്ങൾക്കുള്ള പാചക വാതകവില കുറഞ്ഞു. ഗാർഹിക ആവശ്യത്തിനുള്ള 14.2 കിലോഗ്രാം സിലിണ്ടറിന് 47 രൂപയാണ് കുറച്ചത്. വാണിജ്യ ആവശ്യത്തിനുള്ള 19 കിലോഗ്രാം സിലിണ്ടറിന് 80 രൂപയും കുറഞ്ഞിട്ടുണ്ട്. ഇതോടെ ഗാർഹിക സിലിണ്ടറിന് 677 ഉം വാണിജ്യ സിലിണ്ടറിന് 1210.50 ഉം ആണ് പുതുക്കിയ വില.

സബ്‌സിഡി സിലിണ്ടർ വാങ്ങുമ്പോൾ ഉപഭോക്താവിന് (കൊച്ചി മേഖലയിൽ) 2.56 രൂപയുടെ ഇളവാണ് ലഭിക്കുന്നത്. സബ്‌സിഡി തുകയായ 180.67 രൂപ കിഴിച്ച് നൽകേണ്ടത് 496.33 രൂപയാണ്.

നേരത്തെ 724 രൂപയായിരുന്ന സിലിണ്ടറിനാണ് ഇപ്പോൾ 677 രൂപയായിരിക്കുന്നത്. വാണിജ്യാവശ്യത്തിനുള്ള സിലിണ്ടറിന് നേരത്തെ 1289 രൂപയായിരുന്നു.

gas cylinder price drops down