ബിസിസിഐയുടെ എ പ്ലസ് കാറ്റഗറിയില്‍ നിന്ന് ധോണി ‘ഔട്ട്’
1 minute Read
ബിസിസിഐയുടെ വാര്‍ഷിക കരാറില്‍ മുന്‍ ക്യാപ്റ്റന്‍ എം.എസ്. ധോണിയെ തരംതാഴ്ത്തി. എ പ്ലസ് കാറ്റഗറിയില്‍ അംഗമായിരുന്ന എം.എസ്. ധോണിയെ ‘എ’ ഗ്രേഡിലേക്കാണ് തരംതാഴ്ത്തിയിരിക്കുന്നത്. എ പ്ലസ് കാറ്റഗറിയിലുള്ളവര്‍ക്ക് 7 കോടി രൂപയും എ കാറ്റഗറിയിലുള്ളവര്‍ക്ക് 5 കോടി രൂപയുമാണ് വാര്‍ഷിക വരുമാനം. നിലവില്‍ ക്യാപ്റ്റന്‍ വിരാട് കോഹ്‌ലി, വൈസ് ക്യാപ്റ്റന്‍ രോഹിത് ശര്‍മ്മ, ശിഖര്‍ ധവാന്‍, ഭുവനേശ്വര്‍ കുമാര്‍, ജസ്പ്രീത് ബുംറ എന്നിവരാണ് എ പ്ലസ് കാറ്റഗറിയിലുള്ള താരങ്ങള്‍.
എ ഗ്രേഡ് കാറ്റഗറിയില്‍ ധോണിയെ കൂടാതെ ആര്‍. അശ്വിന്‍, രവീന്ഗ്ര ജഡേജ, മുരളി വിജയ്, ചേതേശ്വര്‍ പൂജാര, അജിങ്ക്യ രഹാനെ, വൃദ്ധിമാന്‍ സാഹ എന്നിവരാണ് എ ഗ്രേഡ് താരങ്ങള്‍.
‘ബി’ ഗ്രേഡ് താരങ്ങള്‍: കെ.എല്‍.രാഹുല്‍, ഉമേഷ്‌ യാദവ്, കുൽദീപ് യാദവ്, ചഹൽ, ഹര്‍ദിക് പാണ്ഡ്യ, ഇഷാന്ത് ശര്‍മ്മ, ദിനേഷ് കാർത്തിക്. ഇവർക്ക് മൂന്നു കോടിയാണ് പ്രതിഫലം. “സി’ ഗ്രേഡ് താരങ്ങൾ: കേദാര്‍ യാദവ്, മനീഷ് പാണ്ഡെ, അക്‌സര്‍ പട്ടേല്, കരുണ്‍ നായര്‍, സുരേഷ് റെയ്ന, പാര്‍ത്ഥീവ് പട്ടേൽ, ജയന്ത് യാദവ്. ഇവർക്ക് ഒരു കോടി രൂപ വീതം പ്രതിഫലമായി നൽകും.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English