23
Sep 2018
Sunday
phenix kerala

മെസി മൂന്നാമതും അച്ഛന്‍; സന്തോഷം പങ്കുവെച്ച് താരം

messi kid

ബാഴ്‌സിലോണയുടെ അര്‍ജന്റീനിയന്‍ ഇതിഹാസം മെസി വീണ്ടും അച്ഛനായി. മൂന്നാമത്തെ കുഞ്ഞിന്റെ വരവ് ഔദ്യോഗികമായി ഇന്‍സ്റ്റഗ്രാം വഴി മെസി തന്നെയാണ് പുറത്തുവിട്ടത്. കഴിഞ്ഞ ദിലസം മലാഗക്കെതിരായ മത്സരം കളിക്കാതെ മെസി പിന്മാറിയിരുന്നു. അതിനു പിന്നാലെയാണ് താന്‍ മൂന്നാമതും അച്ഛനായ വിവരം അദ്ദേഹം സോഷ്യല്‍ മീഡിയ വഴി അറിയിച്ചത്. രണ്ട് ആണ്‍കുട്ടികളുള്ള മെസിക്ക് മൂന്നാമതും ആണ്‍കുട്ടി തന്നെയാണ് പിറന്നിരിക്കുന്നത്. അഞ്ചു വയസുള്ള തിയാഗോ, രണ്ടു വയസുള്ള മാറ്റിയോ എന്നിവരുടെ കൂട്ടത്തിലേക്ക് മൂന്നാമനായി എത്തിയ കുഞ്ഞിന് സിറോ എന്നാണ് പേരിട്ടിരിക്കുന്നത്. കുട്ടിയുടെ പേരും ഇന്‍സ്റ്റഗ്രാം വഴി മെസി പുറത്തുവിട്ടു. അമ്മയും കുഞ്ഞും സുഖമായിരിക്കുന്നുവെന്നും മെസി പോസ്റ്റില്‍ കുറിച്ചു.

Top