കെഎസ്ആര്‍ടിസി പെന്‍ഷന്‍ പ്രായം കൂട്ടുന്നതിനോട് യോജിപ്പില്ല; സിപിഐ

കെഎസ്ആര്‍ടിസി പെന്‍ഷന്‍ പ്രായം കൂട്ടണമെന്ന മുഖ്യമന്ത്രിയുടെ തീരുമാനത്തോട് യോജിപ്പില്ലെന്ന് സിപിഐ. എല്‍ഡിഎഫിന്റെ അജണ്ടയിലില്ലാത്ത കാര്യമാണ് പെന്‍ഷന്‍ പ്രായം കൂട്ടി നിശ്ചയിക്കുക എന്നത്. കഴിഞ്ഞ ദിവസമാണ് പെന്‍ഷന്‍ പ്രായം 60 ആക്കി പുതുക്കി നിശ്ചയിക്കണമെന്ന വാദം മുഖ്യമന്ത്രി മുന്നോട്ട് വെച്ചത്. മുന്നണിയിലെ മറ്റ് പാര്‍ട്ടികളോട് ഇക്കാര്യത്തില്‍ ഉടന്‍ തീരുമാനം അറിയിക്കാനും ആവശ്യപ്പെട്ടിരുന്നു. കെഎസ്ആര്‍ടിസി നേരിടുന്ന സാമ്പത്തിക പ്രതിസന്ധി കുറക്കുന്നതിന് വേണ്ടിയാണ് ഇങ്ങനെ ഒരു ആവശ്യം മുന്നോട്ട് വെച്ചത്. എന്നാല്‍, പെന്‍ഷന്‍ പ്രായം 60 ആക്കുന്നതിനോട് യോജിക്കുന്നില്ലെന്ന് സിപിഐ തുറന്നുപറഞ്ഞു.