ചെങ്ങന്നൂരില്‍ സജി ചെറിയാന്‍ എല്‍ഡിഎഫ് സ്ഥാനാര്‍ത്ഥി

ചെങ്ങന്നൂരിലെ ഉപതിരഞ്ഞെടുപ്പില്‍ സജി ചെറിയാന്‍ എല്‍ഡിഎഫിനു വേണ്ടി ജനവിധി തേടും. ആലപ്പുഴ സിപിഎം ജില്ലാ സെക്രട്ടറിയാണ് സജി ചെറിയാന്‍. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനാണ് സജി ചെറിയാന്റെ സ്ഥാനാര്‍ത്ഥിത്വം ഔദ്യോഗികമായി പ്രഖ്യാപിച്ചത്. 2006 ല്‍ ചെങ്ങന്നൂരില്‍ എല്‍ഡിഎഫിന് വേണ്ടി ജനവിധി തേടിയ നേതാവാണ് സജി ചെറിയാന്‍. എന്നാല്‍, അന്ന് യുഡിഎഫ് സ്ഥാനാര്‍ത്ഥി പി.സി. വിഷ്ണുനാഥ് സജി ചെറിയാനെ പരാജയപ്പെടുത്തുകയായിരുന്നു. തന്നെ സ്ഥാനാര്‍ത്ഥിയായി തിരഞ്ഞെടുത്ത പാര്‍ട്ടിയുടെ തീരുമാനത്തില്‍ സന്തോഷമുണ്ടെന്ന് സജി ചെറിയാന്‍ മാധ്യമങ്ങളോട് പങ്കുവെച്ചു.