ചന്ദ്രയാൻ2 അടുത്തമാസം വിക്ഷേപിക്കും : ഐ.എസ്.ആർ.ഒ

ഇന്ത്യൻ ബഹിരാകാശ ഗവേഷണകേന്ദ്രം (ഐ.എസ്.ആർ.ഒ.) വികസിപ്പിച്ച ചന്ദ്രയാൻ2 ഉപഗ്രഹം ഏപ്രിലിൽ വിക്ഷേപിക്കുമെന്ന് ചെയർമാൻ ഡോ. കെ. ശിവൻ അറിയിച്ചു.

ചന്ദ്രയാൻ 2 ന് ചാന്ദ്രപ്രതലം സൂക്ഷ്മമായി വിശകലനം ചെയ്യാനുള്ള കഴിവുണ്ട്. ഒരു ഓർബിറ്റർ, ലാൻഡർ, ആറ് ചക്രങ്ങളുള്ള റോവർ, എന്നീ മൂന്ന് ഘടകങ്ങൾ അടങ്ങിയതാണ് ചന്ദ്രയാൻ 2 ഉപഗ്രഹം.
ചന്ദ്രോപരിതലത്തിലെ മണ്ണിന്റെ സ്വഭാവം അപഗ്രഥിക്കാൻ സാധിക്കുന്ന വിവരങ്ങൾ ഉപഗ്രഹം അവിടെ നിന്നയക്കും.

അതേസമയം, ഏതെങ്കിലും സാഹചര്യത്തിൽ ഏപ്രിലിൽ വിക്ഷേപണം സാധ്യമായില്ലെങ്കിൽ ഒക്ടോബറിൽ വിക്ഷേപണം നടത്തുമെന്നും ചെയർമാൻ പറഞ്ഞു.