സുഗതന്റെ ആത്മഹത്യ; പ്രതികള്‍ക്ക് സിപിഐ പാര്‍ട്ടിയുടെ സ്വീകരണം

പുനലൂരില്‍ പ്രവാസിയായ സുഗതന്‍ ആത്മഹത്യ ചെയ്ത സംഭവത്തില്‍ പ്രതികളായ മൂന്ന് എഐവൈഎഫ് പ്രവര്‍ത്തകര്‍ക്ക് സിപിഐ സ്വീകരണം നല്‍കിയതായി റിപ്പോര്‍ട്ടുകള്‍. ജാമ്യത്തിലിറങ്ങിയ മൂന്ന് പ്രതികള്‍ക്കാണ് സ്വീകരണം ഒരുക്കിയത്. പ്രതികളുടെ മാനസിക പീഢനമാണ് സുഗതന്റെ ആത്മഹത്യയിലേക്ക് നയിച്ചതെന്നാണ് മൂവര്‍ക്കുമെതിരായ കേസ്. വര്‍ക്ഷോപ്പ് തുടങ്ങാനിരുന്ന സ്ഥലത്ത് എഐവൈഎഫ് പ്രവര്‍ത്തകര്‍ കൊടി നാട്ടി നിര്‍മ്മാണം തടസപ്പെടുത്തിയതില്‍ മനംനൊന്താണ് സുഗതന്‍ ആത്മഹത്യ ചെയ്തത്.