കന്നി മുത്തമിടാന്‍ ബെംഗളൂരു; വീണ്ടും കപ്പടിക്കാന്‍ ചെന്നൈയിന്‍

ഐഎസ്എല്‍ 2018ന്റെ കലാശപോരാട്ടം ഇന്ന്. ബെംഗളൂരു ശ്രീകണ്ഠീരവ സ്റ്റേഡിയത്തില്‍ ഇന്ന് വൈകീട്ട് 8 മണിക്ക് ബെംഗളൂരു എഫ്‌സിയും ചെന്നൈയിന്‍ എഫ്‌സിയും കിരീട പോരാട്ടത്തിനായി ബൂട്ടണിയും. കന്നി കിരീടം നേടാന്‍ ബെംഗളൂരു എഫ്‌സി സ്വന്തം ഗ്രൗണ്ടില്‍ കളിക്കാനിറങ്ങുമ്പോള്‍ രണ്ടാം കിരീടം നേടാനാണ് ചെന്നൈയില്‍ എഫ്‌സി എത്തുന്നത്. ഗ്രൂപ്പ് ഘട്ട മത്സരങ്ങളില്‍ 13 ജയത്തോടെ ബെംഗളൂരു മുന്നേറിയപ്പോള്‍ 9 ജയങ്ങള്‍ നേടിയായിരുന്നു ചെന്നൈയിന്‍ ടീം ഫൈനലില്‍ എത്തിയിരിക്കുന്നത്. സീസണില്‍ രണ്ട് തവണ ഏറ്റുമുട്ടിയതില്‍ ഓരോ തവണ വീതം ഇരു ടീമുകളും വിജയിച്ചിരുന്നു.