കൊട്ടിയത്ത് എ.ടി.എം കവർച്ച; മോഷ്ടാക്കൾ കവർന്നത് 6,16,000 രൂപ

കൊട്ടിയം തഴുത്തലയിൽ എ.ടി.എം. തകർത്ത് 6,16,000 രൂപ കവർന്നു. കൊട്ടിയം-കണ്ണനല്ലൂർ റോഡിൽ തഴുത്തല മഹാഗണപതിക്ഷേത്രത്തിനു സമീപത്തെ ഇന്ത്യ വൺ എന്ന സ്വകാര്യ ഏജൻസിയുടെ എ.ടി.എം. തകർത്താണ് പണം കവർന്നത്.

ശനിയാഴ്ച അർദ്ധരാത്രിയിലാണ് മോഷണം നടന്നതെന്ന് കരുതുന്നത്. എ.ടി.എമ്മിനുമുന്നിലും അകത്തും സ്ഥാപിച്ചിരുന്ന നിരീക്ഷണ ക്യാമറകൾ തകർത്തായിരുന്നു മോഷണം.