നഴ്‌സുമാരുടെ ശമ്പള വർദ്ധനവ്; ഹർജി ഇന്ന് പരിഗണിക്കും

നഴ്‌സുമാരുടെ സമരത്തിനും ശമ്പള വർദ്ധനവിനും എതിരെ ആശുപത്രി ഉടമകൾ സമർപ്പിച്ച ഹർജി ഹൈക്കോടതി ഇന്ന് പരിഗണിക്കും. കഴിഞ്ഞ ദിവസം ഹർജി പരിഗണിച്ച കോടതി ശമ്പളം വർദ്ധിപ്പിച്ചു കൊണ്ടുള്ള വിജ്ഞാപനം സ്‌റ്റേ ചെയ്തിരുന്നു.

ഈ മാസം 31 ന് വിജ്ഞാപനം പുറപ്പെടുവിക്കാനിരിക്കെ ആയിരുന്നു കോടതി ഇടപെടൽ. നഴ്‌സുമാരുടെ സമരം നിയമവിരുദ്ധമാണെന്നും കോടതി പ്രഖ്യാപിച്ചിരുന്നു. സമരത്തിനെതിരെ കെസ്മ പ്രയോഗിക്കാൻ നിർദേശം നൽകണമെന്നാണ് ആശുപത്രി ഉടമകളുടെ ഹർജിയിലെ ആവശ്യം.