ഇറാക്കിൽ കൊല്ലപ്പെട്ട ഇന്ത്യാക്കാരുടെ മൃതദേഹം നാട്ടിലെത്തിച്ചു
ഇറാഖിൽ ഇസ്ലാമിക് സ്റ്റേറ്റ് ഭീകരർ തട്ടിക്കൊണ്ടുപോയി കൊലപ്പെടുത്തിയ 39 ഇന്ത്യക്കാരിൽ 38 പേരുടെ മൃതദേഹം നാട്ടിലെത്തിച്ചു. അമൃത്സർ വിമാനത്താവളത്തിലാണ് മൃതദേഹങ്ങൾ എത്തിച്ചത്.
വിദേശകാര്യ സഹമന്ത്രി വി.കെ. സിംഗിന്റെ നേതൃത്വത്തിലാണ് മൃതദേഹം നാട്ടിലെത്തിച്ചത്. അമൃത്സറിനു ശേഷം പാറ്റ്നയിലും കോൽക്കത്തയിലും എത്തി മരിച്ചവരുടെ ബന്ധുക്കൾക്ക് മൃതദേഹം കൈമാറും. ഡിഎൻഎ പരിശോധനയിലാണ് മരിച്ചവരെ തിരിച്ചറിഞ്ഞത്.
2014 ജൂണിലാണ് മൊസൂളിലെ നിര്മാണകമ്പനിയില് ജോലിക്കാരായ ഇന്ത്യക്കാരെ ബാഗ്ദാദിലേക്കുള്ള യാത്രക്കിടെ ഭീകരര് തട്ടിക്കൊണ്ടു പോയത്. ഇവർ കൊല്ലപ്പെട്ടതായി കഴിഞ്ഞ മാര്ച്ച് 20 ന് സുഷമ സ്വരാജ് രാജ്യസഭയിൽ അറിയിച്ചിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here