കായല്‍ കയ്യേറ്റം; സുപ്രീം കോടതിയില്‍ നല്‍കിയ ഹര്‍ജി തോമസ് ചാണ്ടി പിന്‍വലിച്ചു

കായല്‍ കയ്യേറ്റക്കേസിലെ ഹൈക്കോടതി പരാമര്‍ശത്തിനെതിരെ മുന്‍ ഗതാഗതമന്ത്രി തോമസ് ചാണ്ടി സുപ്രീം കോടതിയില്‍ നല്‍കിയ ഹര്‍ജി പിന്‍വലിച്ചു. ഹര്‍ജി പിന്‍വലിക്കാനുള്ള കാരണം തോമസ് ചാണ്ടി വ്യക്തമാക്കിയിട്ടില്ല. കായല്‍ കൈയേറ്റ വിഷയത്തില്‍ ഹൈക്കോടതി വിധിയില്‍ തനിക്കെതിരായ പരാമര്‍ശം റദ്ദാക്കണമെന്നായിരുന്നു തോമസ് ചാണ്ടി സുപ്രീം കോടതിയില്‍ നല്‍കിയ ഹര്‍ജിയിലെ ആവശ്യം.