ശ്രീജിത്തിന്റെ കസ്റ്റഡി മരണത്തില്‍ സിബിഐ അന്വേഷണം ആവശ്യപ്പെട്ടുള്ള ഹര്‍ജി വെള്ളിയാഴ്ച പരിഗണിക്കും

വരാപ്പുഴയിലെ ശ്രീജിത്തിന്‍റെ കസ്റ്റഡി മരണം സിബിഐ അന്വേഷിക്കണമെന്ന് ആവശ്യപ്പെട്ടുള്ള ഹർജി ഹൈക്കോടതി ഫയലിൽ സ്വീകരിച്ചു. ശ്രീജിത്തിന്‍റെ ഭാര്യ അഖിലയാണ് ഹർജി നൽകിയത്. ശ്രീജിത്തിന് മര്‍ദ്ദനമേറ്റതിനെ കുറിച്ച് സംശയമുണ്ടെന്നും വിഷത്തില്‍ സത്യാവസ്ഥ പുറത്തുകൊണ്ടുവരാന്‍ സിബിഐ സഹായിക്കണമെന്നും ചൂണ്ടിക്കാട്ടിയാണ് ശ്രീജിത്തിന്റെ ഭാര്യ അഖില ഹര്‍ജി സമര്‍പ്പിച്ചത്. ഹർജി കോടതി വെള്ളിയാഴ്ച പരിഗണിക്കും.