‘സുഡാനി’ എത്തും കാന്‍സ് ഫിലിം ഫെസ്റ്റിവലില്‍

നവാഗത സംവിധായകന്‍ സക്കറിയ സംവിധാനം ചെയ്ത് കേരളത്തിലും ഗള്‍ഫ് രാജ്യങ്ങളിലുമായി മികച്ച പ്രതികരണം നേടിയ മലയാള സിനിമ സുഡാനി ഫ്രം നൈജീരിയ കാന്‍സ് ഫിലിം ഫെസ്റ്റിവലില്‍ പ്രദര്‍ശിപ്പിക്കും. മേയ് 8 മുതല്‍ 19 വരെയുള്ള ദിവസങ്ങളിലാണ് കാന്‍സ് ഫിലിം ഫെസ്റ്റിവല്‍ അരങ്ങേറുന്നത്. മേയ് 14-ാം തിയതിയാണ് സുഡാനി ഫ്രം നൈജീരിയ കാന്‍സില്‍ പ്രദര്‍ശിപ്പിക്കുക. ചിത്രത്തിലെ മജീദ്, സുഡാനി എന്നീ കഥാപാത്രങ്ങളെ സാധരണക്കാരായ മലയാളികള്‍ ഇരു കൈയും നീട്ടി സ്വീകരിച്ചതിനു പിന്നാലെയാണ് ചിത്രത്തെ തേടി മറ്റൊരു നേട്ടം എത്തുന്നത്.