ആധാറിന്റെ ഭരണഘടനാ സാധുത; വാദം പൂർത്തിയായി; വിധി പറയുന്നത് മാറ്റിവെച്ചു

ആധാറിന്റെ ഭരണഘടനാ സാധുത ചോദ്യം ചെയ്ത് നൽകിയ ഹർജികളിൽ വാദം പൂർത്തിയായി. വിധി പറയുന്നത് കോടതി മാറ്റി വച്ചു. ചീഫ് ജസ്റ്റിസ് അധ്യക്ഷനായ അഞ്ചംഗ ഭരണഘടനാ ബെഞ്ചാണ് വാദം കേട്ടത്.

ഭരണഘടനയുടെ ആമുഖത്തിൽ പറയുന്ന ‘നമ്മൾ, ഭാരതത്തിലെ ജനങ്ങൾ’ എന്ന വരികളെ ആധാറിന് ഉൾക്കൊള്ളാൻ കഴിയുമോ എന്ന ചോദ്യമെറിഞ്ഞാണ് മുതിർന്ന അഭിഭാഷകനായ ശ്യാം ദിവാൻ വാദം അവസാനിപ്പിച്ചത്. ‘നമ്മൾ, ഭാരതത്തിലെ ജനങ്ങൾ’ എന്നത് വിരൽചൂണ്ടുന്നത് ജനാധിപത്യത്തിലേക്കും ജനാധിപത്യ വ്യവസ്ഥയിലെ തെരഞ്ഞെടുക്കാനുള്ള അവകാശത്തിലേക്കുമാണെന്ന് അദ്ദേഹം വ്യക്തമാക്കി.

ആധാറിൻറെ ഭരണഘടന സാധുതയെ ചോദ്യം ചെയ്ത് സമർപ്പിക്കപ്പെട്ട ഹർജികളിൽ പൗരൻറെ സ്വകാര്യത മൗലിക അവകാശമാണെന്ന സുപ്രധാന വിധി കരുത്ത് നൽകി.