മന്ത്രിസഭാ രൂപീകരണം; അന്തിമ തീരുമാനം നാളെ: കുമാരസ്വാമി

കര്‍ണാടകയിലെ മന്ത്രിമാരെ തീരുമാനിക്കുന്ന വിഷയത്തില്‍ നാളെ അന്തിമ തീരുമാനം കൈക്കൊള്ളുമെന്ന് നിയുക്ത മുഖ്യമന്ത്രി എച്ച്.ഡി. കുമാരസ്വാമി. നാളെ ചേരുന്ന യോഗത്തിലായിരിക്കും അന്തിമ തീരുമാനം. ഡല്‍ഹിയില്‍ വെച്ച് സോണിയ ഗാന്ധിയുമായും രാഹുല്‍ ഗാന്ധിയുമായും കുമാരസ്വാമി കൂടിക്കാഴ്ച നടത്തി. മന്ത്രിമാരുടെ കാര്യത്തിലും വകുപ്പ് വിഭജനത്തിലും ധാരണയായതായി സൂചനകള്‍. ഉപമുഖ്യമന്ത്രിസ്ഥാനം അടക്കമുള്ള കാര്യങ്ങള്‍ പ്രദേശിക നേതാക്കളുമായി ആലോചിച്ച് തീരുമാനിക്കുമെന്ന് കുമാരസ്വാമി പറഞ്ഞു.