സിബിഎസ് പന്ത്രണ്ടാം ക്ലാസ് ഫലം ഇന്ന്

സിബിഎസ്ഇ പന്ത്രണ്ടാം ക്ലാസ് ഫലം ഇന്ന്. സിബിഎസ്ഇ ഔദ്യോഗിക വെബ്‌സൈറ്റായ cbse.nic.in ൽ ഫലം ലഭ്യമാകും. ഉച്ചയ്ക്ക് 12.30ന് ഫലം പ്രഖ്യാപിക്കുമെന്നാണ് അറിയിച്ചിരിക്കുന്നത്.

സിബിഎസ്ഇയുടെ എക്കണോമിക്‌സ് പരീക്ഷ ചോദ്യപേപ്പർ ചോർന്നത് വൻവിവാദങ്ങൾക്ക് വഴിവെച്ചിരുന്നു. സംഭവത്തിൽ ഹിമാചൽപ്രദേശ്, ജാർഖണ്ഡ്, ബിഹാർ എന്നിവിടങ്ങളിൽ നിന്ന് അധ്യാപകൻ അടക്കമുള്ളവരെ അറസ്റ്റ് ചെയ്തിരുന്നു. ചോദ്യപേപ്പർ ചോർച്ച വ്യാപകമല്ലെന്ന് കണ്ടെത്തിയതിനെ തുടർന്ന് പരീക്ഷ വീണ്ടും നടത്തേണ്ടതില്ലെന്ന് തീരുമാനിക്കുകയായിരുന്നു.