നിപ; അഞ്ച് ഡോക്ടര്‍മാര്‍ക്ക് അടിയന്തിര വിദഗ്ധ പരിശീലനം

നിപ വൈറസിനെ  പ്രതിരോധിക്കാനായി കോഴിക്കോട് മെഡിക്കല്‍ കോളേജിലെ അഞ്ച് ഡോക്ടര്‍മാര്‍ക്ക്  അടിയന്തിര വിദഗ്ധ പരിശീലനം.ദില്ലിയിലെ സഫ്‍ദര്‍ജംഗ് ആശുപത്രിയിലാണ് പരിശീലനം. നിപയെ പ്രതിരോധിക്കാന്‍ പരിശീലനം വേണമെന്ന  ആവശ്യകതയെപ്പറ്റി കേന്ദ്ര സംഘം ആരോഗ്യ വകുപ്പ് മന്ത്രിയുടെ ശ്രദ്ധയില്‍പ്പെടുത്തിയതിനെ തുടര്‍ന്നാണ് തീരുമാനമുണ്ടായത്.
അനസ്‍തേഷ്യ വിഭാഗത്തിലെ രണ്ട് ഡോക്ടര്‍മാരും പള്‍മണറി മെഡിസിന്‍, ജനറല്‍ മെഡിസിന്‍, എമര്‍ജന്‍സി മെഡിസിന്‍ എന്നീ വിഭാഗങ്ങളില്‍ നിന്നും ഓരോ ഡോക്ടര്‍മാരും വീതമാണ് പരിശീലന പരിപാടിയില്‍ പങ്കെടുക്കുന്നത്. മേയ് 28 മുതല്‍ ജൂണ്‍ ഒന്നു വരെയായിരിക്കും പരിശീലനം.