കിം ജോങ് ഉന്നുമായുള്ള കൂടിക്കാഴ്ച മുന് നിശ്ചയപ്രകാരം നടക്കുമെന്ന് ട്രംപ്
ഉത്തര കൊറിയന് ഭരണാധികാരി കിം ജോങ് ഉന്നുമായി സിംഗപ്പൂരില് അടുത്ത മാസം 12ന് തീരുമാനിച്ചിട്ടുള്ള കൂടിക്കാഴ്ച മുന് നിശ്ചയപ്രകാരം നടക്കുമെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. ഉന്നുമായുള്ള കൂടിക്കാഴ്ച റദ്ദാക്കുകയാണെന്ന് ട്രംപ് കഴിഞ്ഞ ദിവസം അറിയിച്ചിരുന്നു. എന്നാല്, പിന്നീട് ട്രംപ് നിലപാട് മാറ്റിയിരിക്കുകയാണ്.
ചര്ച്ച നിശ്ചയിച്ചതുപോലെ നടക്കുമെന്ന് ട്രംപ് ട്വീറ്റ് ചെയ്യുകയായിരുന്നു. ഉച്ചകോടിയിൽനിന്നു പിന്മാറുകയാണെന്ന യുഎസിന്റെ പ്രഖ്യാപനത്തോട് നയതന്ത്രമര്യാദ പുലർത്തി ഉത്തരകൊറിയ നടത്തിയ പ്രതികരണം സ്വാഗതാർഹമാണെന്നു ട്രംപ് പറഞ്ഞു. ട്രംപ് ഉച്ചകോടിയിൽനിന്നും പിന്മാറിയതിനു പിന്നാലെ ഏതു സമയത്തും ഏതു രീതിയിലും ചർച്ചയ്ക്കു തയാറാണെന്ന് ഉത്തരകൊറിയ പ്രഖ്യാപിച്ചതാണ് വീണ്ടും ചർച്ചകൾ സജീവമാകാൻ കാരണമായത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here